• Whare Uku
• Waimango
• Piripono
• Aotearoa
• Tāwāhi
• Syria
• Sadinia
• Tahoua, Niger
• Taos Pueblo
• Haina
• Īhipa
• Ingarangi

Ko tēnei momo whare ko te whare poharu, he mea tino tawhito. He maha kei te tū tonu i Ingarangi. Ko te rerekē o te whare poharu ki ētahi atu whare uku, ko tēnei. Kāhore i hangaia i te pereki, i te rākau rānei.

Ka hangaia te whare poharu i te oneone, i te onepū, i te tākakau, i te wai. Ka pokeaakatoatia ēnei mea, kātahi ka takatakahia mā te waewae tangata, ka takatakahia e te wae kau, e te wae hōiho rānei. Kātahi ka hāparatia te uku hei hanga i ngā pakitara o te whare, ā, ka takahi haere tonutia.

I te rā kōtahi, kōtahi mita pea ka oti. Nā, ka waiho kia maroke. E rua wiki pea, kātahi ka maroke. Ka hangaia anō nā tētahi atu wāhanga. Ka pērā tonu te haere, tae noa ki te teiteitanga kua whakaritea rā mō taua whare.

Ko te nuinga o ēnei whare i Ingarangi, nō te hunga rawakore, arā, ngā kaimahi pāmu. Engari ko ētahi o ngā whare nui kei ngā tāone, he whare poharu, he mea hanga e ngā tāngata whai rawa. Ko tētahi o ēnei whare ko te whare Hayes Barton.

E kīia ana, neke atu i te 20,000 ngā whare poharu kei te takiwā o Devon, i Ingarangi. Ahakoa te tawhito o ēnei whare, kei te nōhia tonutia e te tangata, ā, nā te tau tonu hoki o tōna hanga!