Īhipa

E mōhiotia whānuitia ana a Īhipa mo ōna ‘pyramids’, ōna ‘sphinx’, ōna ‘pharoahs’, me te awa roa rawa hoki o te ao, arā, te “Nile”. Ahakoa ēnei mea mīharo, i ēnei rā ko te nuinga o rātou e noho pōhara tonu ana. He whenua maroke a Īhipa, ā, ko tōna nui he koraha.

Ko ō rātou whare e rite tonu ana ki ērā ō ētahi atu whenua maroke. Ka hangaia i te pereki uku maroke. Ko ngā mea whakauru, he uku, he tākakau, he wai. Ka mahia ngā pereki nei, ka waiho kia maroke i te rā. He pai ngā pereki uku maroke mō tēnei takiwā o te ao, i te kaha maroke tonu rā o tērā kāinga.

Ka hangaia ngā whare o Īhipa ki te pereki uku maroke, nā te tūrukiruki tonu o te rākau. Nā, ka whakamahia nā ko ngā rauemi, atu i te rākau. Engari anō ngā matapihi, he mea hanga ērā i te rākau. Inā pupuhi te hau, ka kore te onepū e uru ki roto. Kātahi ka āraihia atu ngā matapihi me ngā kuaha ki te whāriki, kia kore ai ngā rango, te one, me ngā hihī o te rā e uru atu ki rō whare.

Hei te raumati, nā te kaha wera tonu, moe tonu ai te tokomaha i runga i ngā tuanui. Āe, he pērā rawa te wera o tērā kāinga, ao noa te pō, pō noa te ao.

I ētahi wā ko te pakitara o mua he mea peita, ā, he kupu kua meatia i tō rātou reo. Ā, he pikitia anō hoki hei whakaatu i ngā kōrero rongonui o tō rātou iwi.

# Ref. 6  Ētahi whare uku maroke kei Siwa Oasis, Western Oases, Ihipa.

# Ref. 7  He whānau: kei waho i tō rātou whare uku maroke i Īhipa.