Taos Pueblo

I namata, ka hangaia e te tangata whenua o Amerika, arā, e ngā Īniana, ō rātou whare ki tēnei takiwā. Me te maroke anō hoki o tērā kāinga. Ko te ingoa mō ō rātou whare, ko te ‘pueblo’. Ko te nuinga o aua ‘pueblo’ nei kei te koraha e tū ana.

Nā, ka hangaia ngā pātū o ngā whare nei ki te pereki uku. Ko ēnei pereki he mea hanga mai i te oneone, i te tākakau me te wai. Kātahi ka waiho kia maroke i te rā.

Hei ētahi wāhi, e rua pūtu rawa pea te mātotoru o ngā pereki. Ka hangaia ngā tuanui ki te rākau kawaka, ki te whāriki, ki te peka rākau, ki te pātītī me te uku maroke. Kia tau tonu ai te āhua o te whare, ka whakapurua ngā pakitara o waho ki te paru. Ko ngā pakitara o roto ka whakapurua ki te oneone mā, kia noho pīata tonu ai tōna āhua.

# Ref. 5  Taos Pueblo, New Mexico

I ngā rā o mua, paku noa nei te kuaha hei kuhutanga atu ki ngā ’pueblo’. Ko ētahi hoki o te whānau ka noho i te papa tuarua, tuatoru, tuawhā, tuarima rānei. Ka piki, ka heke iho rānei i ngā papa o runga mā te arawhata. Otirā, he take tonu i pēnei ai tōna hanga, arā, kia kore ai e taea e te hoariri te urutomo noa atu. Te kuhu noa atu ki te patu i te hau kainga.

Hēoi anō, i ēnei rā nei, kua mutu ngā pakanga, kua tau te rangimarie. I nāianei kua rahi ake ngā kuaha me ngā matapihi o ngā ’pueblo’. He kāinga ēnei e pekapekahia ana e te hunga e toro atu ana ki Taos Pueblo.

# Ref. 5 Anei tēnei kāinga i hangaia nei ki te uku maroke: Taos Pueblo, New Mexico.