Aotearoa

Kororāreka

Ko te whare o Pompallier kei Kororāreka. Koia te whare tino tawhito rawa atu o ngā whare uku katoa o Aotearoa nei. Ko ōna pakitara he mea hanga mai i te oneone whakatuki. Nō te tau 1841 te whare i tīmatahia ai, ā, nō te tau o te 1842 ka oti.

Nō Wīwī te tangata nāna nei te whare nei i waihanga. Koinā i rite tonu ai ki ngā whare o Wīwī. I ngā rā o mua he whare pirihi, he whare whakamaroke kiri kau, ā, he toa anō hoki.

Ko tētahi mahi mīharo a ngā mihinare o Wīwī i aua wā, ko tā rātou mahi nui tonu ki te tā pukapuka i roto i te reo Māori.

I te tau 1856 ka hokona e te Mihinare Kātorika e James Callaghan. Ka tū nā hei whare noho mō ngā tau whitu tekau. Ā, ka hokona mai nā e te kāwanatanga, ā, ka noho nā hei whare pupuri taonga. Ko ngā taonga o roto nō ngā mahi rawa o mua, ā, tae noa ki ngā mahi tonu i mahia rā i tēnei whare i ōna wā.

He whare tawhito, he whare ātaahua, he whare whakamīharo te whare o Pompallier. Koia tēnā e tū tonu nei, arā, he whare uku, he taonga.

# Ref 1 Koinei te whare o Pompallier, arā, kei Kororāreka, kei te Taitokerau o Aotearoa.