Whare Uku

Nau mai rā ki tēnei wāhanga e aro atu nei ki ētahi o ngā momo whare uku o kō, o kō. Puta noa hoki i te ao, nō mai anō ēnei tū whare.Ko ētahi he whare tonu mō te whānau, ko ētahi he whare karakia, he whare manaaki. Tirohia ngā kōrero mō te Taos Pueblo, te nohoanga nui i Mehiko, tae atu ki ngā kōrero mō te Yamma Mosque i Niger, ngā whare pī o Syria, te pakitara nui o Haina me ngā whare uku anō hoki o Ingarangi, Sadinia me Ihipa. Me te mōhio tonu kei Aotearoatonu nei ōna anō whare uku. Tēnā tirohia ngā kōrero mō ngā whare e rua i hangaia nei e Rau rāua ko Keepa ki Waimango me Piripono me tō tirotiro anō i ngā kōrero mō te marae o Whangapehu e tū mai rā i te rohe o te Whanganui. Tirohia te whare o Pompallier e tū nei i Kororāreka me te whare o te whānau White o Waimate. Otirā, ehara i te mea koirā anake ngā whare pērā o te ao, e kāo. Arā noa atu ngā momo whare uku kāhore tonu i te paetukutuku nei. Heoi anō, āta pānuihia ngā kōrero, tirohia ngā pikitia. Ko wai ka mōhio? Ākene pea ka whai whakaaro koe ki te whakatū whare uku mō koutou ko tō whānau.