Ngā Ture Kaunihera

He ture hanga whare tā ngā kaunihera katoa. E tika ana kia mau i te iwi whānui ēnei ture.

Mā ēnei ture:

• Ka tika te hanga whare
• Ka tiakina te taiao
• Ka ōrite ngā āhuatanga mō te hanga whare

He āhua rerekē ngā ture o tēnā kaunihera, o tēnā kaunihera. Kei raro iho nei ētahi o ēnei ture hei whai māu mēnā e hanga whare ana koe:

• Kia rima mita mai i tō rohe ki te wāhi e hangaia ai tō whare
• Kāore e taea e koe te tope i ētahi rākau pērā i ngā rākau Māori nā te mea kua whakaritea e te kaunihera kia tiakina ēnei rākau, kia kaua e topea.
• Ka āhei te hanga i tō whare kia 8 mita anake te teitei.
• Ka āhei te hanga whare i runga i te waru tekau ōrau anake o tō whenua.
• Ka āhei te whakatū i te whare kōtahi anake mō ia whā rau mita huarua.

Mehemea e hiahia ana koe ki te hanga i tētahi mea kei waho atu i ngā ture kua whakatakotohia e te kaunihera, me pātai atu ki te kaunihera, ā, kei ā rātou te tikanga mēnā ka whakaae kāhore rānei. Tērā pea e hiahia ana koe ki te hanga rūma moe mō tō tama i runga ake i te karāti. Ko te tikanga kia tono atu ki te kaunihera mō te ‘Resource Consent’. Ki te whakaae te kaunihera, kua wātea koe ki te hanga i tō rūma moe hou.