Ngā Āhuatanga o te Whare

Te nui o tō whare

Tēnā, me pēhea rawa te nui o tō whare? Ko te whakautu; kia rahi tō whare mō tō whānau. Ānei ētahi kōwhiringa hei whakaarotanga māu:

• Pēhea rawa te tokomaha o tō whānau; arā, ngā mea tonu rā ka noho ki tō whare.
• Pēhea ana te nui o te whenua ka wātea mai ki a koe hei hanga i tō whare.
• Pēhea ana te rahi o te moni ka āhei koe, hei whakatū i tō whare.
  

Ngā wāhi o roto i tō whare

Me āta whakaaro hoki koe ki ngā momo mahi e mahi tahitia ana e koutou ko tō whānau ia rā. Arā, te tunu kai, te horoi, te moe, te purei kēmu, te aha atu. Tau ana tērā i a koe, kua mōhio koe me pēhea te āhua o ngā rūma, ā, he aha hoki ētahi atu āhuatanga hei whakaurutanga atu.

Anei ētahi o ngā rūma hei whakaurutanga atu māu:

• Ko ngā rūma moe.
• Ko te kīhini
• Ko te wāhi kai
• Ko te rūma horoi/kaukau
• Ko te wāhi horoi kākahu
• Ko te rūma noho
• Ko te rūma noho-ā-whānau
• Ko te/ngā wharepaku
• He tari
• He rūma tākaro
• He karāti
• He mahau, parani rānei.

Ānei anō ētahi āhuatanga hei whakaarotanga māu i a koe e whakarite ana i ngā rūma o tō whare:

• Ko te painga atu mena ka ngāwari noa iho tō kuhu mai ki rō whare me tō puta atu ki waho.
• He wāhi tākaro, he wāhi haumaru mō ngā tamariki nohinohi.
• Mō te rangatahi – he wāhi mōna ake me ōna hoa.
• Ko ngā ruma moe - kei te wāhi mārire o te whare.
• Me motuhake tonu te wāhi kai, te wāhi kaukau, te wāhi horoi kākahu me te wāhi o te/ngā whare paku.
• Ko te tomokanga o te whare me mahana tonu, ā, he wāhi mihi anō hoki tēnei e pai noa ai tō manaaki i te manuhiri.
• Waiho te mahau, te parani rānei hei wāhi whakangahau mō tō whānau me ā koutou manuhiri.