Te Tūnga Whare

Āta whakaaroarohia tētahi wāhi e pai ai te tū a tō whare. E pēhea ana te takoto o tō rohe, kei hea ake te wāhi tino mahana? Ki te kore hoki tō whare e anga atu ki te rā, tērā ka makariri. Mena e tū tata rawa ana tō whare ki te huarahi matua, ka kaha rawa pea te turituri o ngā waka. Ā, mena ka tū tō whare ki muri i tētahi whare nui ake i tōu, tērā ka āraihia atu tōu e te mea o mua.

Me whai whakaaro tonu koe ki ēnei tūmomo āhuatanga i mua i tō whakatūtanga i tō whare. Ā, hei āwhina i a koe i roto i ēnei mahi, ānei ētahi ture hei whaitanga atu māu:

•  Me anga atu tō whare ki te raki, arā, ki ngā ihi tonu o te rā.
• Me anga atu tō wāhi noho-ā-waho ki te raki, ki ngā ihi hoki o Tama-nui-te-rā, ki te wāhi kore hau.
• Mai i te wāhi noho, te rūma noho rānei; me kitea atu a waho.
• Me kaua ngā rūma moe e pātata rawa ki te rori.