Whakahoa Whare

Mena e hanga whare uku ana koe, me āta whakahoahoa rawa tō whare i te tuatahi, kia pai ai te noho a koutou ko tō whānau. Nā reira, e tiro atu ana te wāhanga nei ki ngā āhuatanga katoa o te whakahoahoa whare. Tuatahi, ko te whare ka tū nei, e meatia ana e koe mō tōu ake whānau. Tuarua, he pai tonu te titiro whakamuri ki ētahi o ngā āhuatanga o ngā whare o ō tātou tūpuna me ō tātou whānau o mua. Tēnā tirohia te tūnga o tō whare me ngā āhuatanga o tō whare. Kia pai tonu tō whakatau ki hea ngā rūmā, aha atu, arā, kia rite ai pea ngā wawata o tō whānau. Heoi, atu i te āhua o tō whare, me whai whakaaro tonu koe ki te wāhi e tū ai tō whare me ngā take taiao tonu e whai pānga ana ki tō whare. Ka mutu, kei konā anō ngā ture kaunihera hei whakaarotanga māu. Nā, koinā ētahi o ngā āhuatanga i āta tirohia rawatia e Rau rāua ko Keepa i mua i te tinanatanga o aua whare uku e tū nei i te motu.