Ko ngā kairangahau

Rau Hoskins

Ko Rau Hoskins tēnei, he uri nō Te Taitokerau. Ko Ngā Puhi, ko Ngāti Wai, ko Ngāti Hau ōna iwi. I tipu ake ia i Whangarei.

Ka wehe mai a Rau i te kura tuarua, kotahi atu ki Te Whare Wānanga o Tāmaki Makaurau, ki reira whai ai i ngā tohu o te mātauranga. Nō te tau 1990 i riro mai ai i a ia tana tohu paetahi mō te waihanga whare, ā, nō te tau 1997 ka whiwhi i tana tohu paerua. Nā, kei te whai tonu a Rau i tana tohu kairangi.

He maha ana mahi. Ko ia tētahi o ngā kaiwhakahaere o te kamupene waihanga whare e kīia nei ko ‘Design Tribe’. Ko tētahi o ngā tino aronga o taua kamupene nei, ko te waihanga whare Māori tonu. He kaiwhakaako anō hoki a Rau i UNITEC, ā, ko ia tonu te upoko matua o te wāhanga Māori o te kura waihanga whare o tērā whare wānanga e kīia nei, ko ‘Te Hononga o Waihanga ki Wairaka’. Ko Rau tonu tētahi o ngā kairangahau matua o te kaupapa whare uku nei.

Keepa Morgan

Ko Keepa Morgan tēnei. Nō Ngāti Pikiao rātou ko Ngāti Kahungunu, ko Kai Tahu.

I haere a Keepa ki Te Whare Wānanga o Tāmaki Makaurau. I reira, ka riro mai i a ia tana tohu paetahi i roto i ngā mahi pūkaha. He tiwhekete whakahaere (Dip.Mgmt) tōna, me te MBA mai i te Whare Wānanga o Deakin i Ahitereiria. E whai tonu ana a Keepa i te tohu kairangi.

He kaiwhakaako a ia i Te Whare Wānanga o Tāmaki Makaurau i roto i ngā mahi pūkaha taiao. Ko Keepa anō hoki tētahi o ngā kairangahau matua o te kaupapa whare uku nei.