Te Whakapapa o te Uku

Ko te whakapapa tētahi o ngā tino āhuatanga e kaha tonu nei a ngāi tāua ki te pupuri. Kāti, me pērā rā ka tika, i te mea, mā te whakapapa hoki tātou e mōhio ai ki ngā here me ngā hononga o tētahi ki tētahi, huri noa i te ao Māori. Heoi anō, ehara i te mea ko te tangata anake ka whakapapa, e kāo. E ai ki a tātou, he whakapapa tō ngā mea katoa o te ao.

Hei ia iwi, hei ia iwi, he rerekē te whakapapa o te uku. Otirā, e whai ake nei ko tētahi wāhanga o te whakapapa o te uku, ā, anei tēnei i ahu mai nei i te iwi o Te Tai Tokerau. Mā tēnei whakapapa e whakaatu ngā hononga o Hineukurangi me ngā hononga anō hoki o te whenua me te wai.

Na Colleen E Waata-Urlich - http://www.tki.org.nz/r/arts/ngatoi/toi_ataata/profile/profile_cwenglish_e.php

Ānei ētahi whakamāramatanga mō ngā ingoa; Pūtoto: Koinei te maringitanga o te toto ki runga i a Papatūānuku. I maringi te toto i te wehenga o Ranginui rāua ko Papatūānuku, i tō rāua kaha piri. Parawhenuamea: Koinei te wai Māori ka heke mai i ngā Rangi Tūhāhā.