Huanga oneone

Ko te pikitia kei raro iho nei e whakaatu ana i tētahi huanga oneone, me ngā papa rerekē o te whenua. Me maumahara tonu he rerekē te oneone i ētahi wāhi , he rerekē hoki ngā papa o te whenua i ētahi wāhi. Nō reira, ahakoa e kitea ana ngā papa rerekē e rima i raro iho nei, ēhara i te mea ka kitea ēnei wāhanga katoa i roto i ngē wāhi katoa.

Ki te taupoki koe i te whenua i tō kāinga, tērā pea kāhore he toka tūmāro i reira, heoi anō, tērā pea ka kite i te toka tūmāro i ngā whenua i tō kura. He pērā hoki mō ērā atu o ngā papa o te whenua. Ko ētahi o ngā papa whenua e kitea ana i tētahi wāhi, ko ētahi atu pea e kitea ana ki wāhi kē. He rerekē katoa te huanga o ngā whenua rerekē.

	a. Oneone-ā-runga Ko te oneone-ā-runga te wāhi ka tipu ngā otaota, ka noho hoki ētahi tūmomo ngāngara. He wāhanga pai mō te tipu pātītī, tipu hua whenua hoki. Mā ngā otaota e whakamātao i te one kia kore e maroke haere.
	e. Oneone-ā-raro He pai tēnei wāhanga mō ngā rākau i te mea kei kōnei te nuinga o ngā whakamōmona oneone. Ka heke iho ngā aka ki te rapu wai me ngā whakamōmona hei kai mā te aka.
	i. Ngā toka matua kua tukitukia e te huarere Kāore he mea i te ora i kōnei; he korakora toka noa iho. Kua kī ēnei korakora i ngā whakamōmona.
	o. Toka Tūmāro Kei raro iho ko te toka tūmāro. I hanga mai te toka tūmāro i mua noa atu i te one. Kāore te toka tūmāro i kitea e te tangata e tū ana i runga i te whenua, engari, nā te horo whenua, nā te rūwhenua rānei, kātahi ka kitea. Nā, ka tukitukia ngā toka i te huarere kia puta mai anō he toka mātua. Kātahi ka tīmata anō te mahi oneone.