Oneone

Hei te whare uku, ko te oneone tonu te mea matua. Nā reira, e aro atu ana tēnei wāhanga ki te oneone me ōna āhuatanga katoa. He maha ngā wāhanga rerekē o te oneone, me te rerekē anō hoki o ngā tūmomo oneone puta noa i te ao. Nā reira, ko te mea nui hei whakamātautanga māu, ko te oneone tonu e tika ana mō te hanga whare uku. Me mārama tonu koe ki ngā āhuatanga o te oneone, ā, me mōhio anō hoki koe ki te huanga oneone me ōna wāhanga pai. Me tōtika rawa hoki te oneone, e pai ai tō hanga pereki mō tō whare. Nā, koinā tā Rau rāua ko Keepa i rangahau nei i mua i tō rāua huritanga atu ki te hanga i aua whare uku e tū nei i Waimango, i Piripono.

He tino hononga tō te iwi Māori ki te whenua, arā, e kitea ana tēnei i roto i ngā kōrero mō Hine-ahu-one me te whakapapa o te uku. Nā reira, hei tēnei mahi rangahau āhau, maharatia ake ngā āhuatanga o tāua te Māori. Ā, hei tēnei mahi a Rau rāua ko Keepa, i mau pū tonu rāua ki tō rāua taha Māori.