Hei Mahi

Whare uku

Ngā whare uku puta noa i te ao.

Ēhara tēnei mea te whare uku i te momo whare hou. Mai rā anō i hangaia ai ēnei whare. E kitea ana i ngā whenua puta noa i te ao. E aro atu ana tēnei wāhanga ki ngā whare uku maha, ā, ka kite i ngā āhuatanga me ngā painga mō ngā iwi e noho ana ki rō whare uku.





1. Ngā mea rerekē, ngā mea ōrite hoki
  1. Tirohia te paetukutuku nei Aotearoa and Tāwāhi mō ētahi kōrero e pā ana ki ngā whare uku o te ao.
  2. Whiriwhiria ngā whare uku e toru, kātahi ka whakakīa te huahuatanga ven ki ngā mea ōrite, ki ngā rerekētanga hoki i waenga i ngā whare e toru.

    Huahuatanga Ven




2. Ngā painga me ngā raruraru

He maha ngā take i hanga ngā iwi o te ao i ngā whare uku. Ki ētahi whenua, kāore he rauemi pēnei i te rākau hei hanga whare, he nui rānei te utu mō ngā rauemi. Mō ētahi iwi, he pai te whare uku nā te mea he māhana i te hōtoke, he mātao i te raumati.

  1. Whai whakaaro ki ngā mea pai, ki ngā mate hoki o te whare uku e toru, kātahi ka whakakīa te huahuatanga T.

 Huahuatanga T




3. Tuku kāri

Tō waimārie hoki, kua riro i a koe tētahi koha ki te haere ki tāwāhi ki te tirotiro ki ngā whare uku o te ao.

  1. Pānuitia Tāwāhi
  2. Tuku atu i tētahi kāri ki tō whānau. Ki tētahi taha tuhia he pikitia o te whare uku, ā, ki tērā atu taha whakamārama atu ki tō whānau ngā take e mīharo ana tēnei whare ki a koe.

    Tuku Kāri




4. Whare Uku puta noa i te ao
  1. I tō haerenga ki tāwāhi, ki Āotearoa hoki, i pīrangi koe ki te maumahara ki ngā whare uku i kitea e koe. Tīkina te mahere whenua o te ao, kātahi ka whakaatu ai kei hea ngā whare uku e tū ana, me te tūmomo whare anō hoki.

    Ngā whakaputa noa




5. Pānuitanga Hoko

Ki te hanga-ā-ringatia te whare uku me tokomaha ngā kaimahi. I Waimango i tae atu te whānau whānui ki te āwhina, i Piripono i tae atu ngā kaimahi o te Kōkiri.

  1. Nō reira ko tāu mahi ināianei he waihanga i tētahi pānui hoko mo te reo irirangi (30 hekona te roa) kia whakaaki i ngā tāngata o te hāpori ki te tautoko i tō whānau ki te hanga whare uku.



6. Taupatupatu
  1. Ēhara te mahi rangahau i te mahi māmā. He maha ngā hiahia, ngā tūmanako hoki o te iwi, ēngari i te nuinga o te wā ka whai noa iho i te ara kōtahi hei mahi rangahau. I whakarite a Rau rāua ko Kepa ki te rangahau i te whare uku, kaua ko tētahi atu momo whare. Ēngari, e mōhio ana tātou tēnā pea he whakaaro anō tō ētahi, ā, he pai tēnā.

    Nō reira ko tā koutou mahi inaianei ko te taupatupatu. I roto i ā koutou rōpū me aro atu ki tētahi o ēnei take
    • “ Me noho ngā iwi Māori ki rō whare uku a ngā tau e tū mai nei”.
    • “E tautoko ana te mahi hanga whare uku i a Papatuanuku .”
    • “ Me whakatū anake ngā whare uku kei waho i ngā tāone.”
    • “ He ngāwari noa iho te hanga whare uku mō te iwi Māori.”