Oneone

1. Pānuitia te korero mō Hineahuone. Ki roto i ngā rōpū, whakamāramahia tō tātou hononga ki te whenua. Whiriwhirihia tētahi o ēnei mahi:
   • Hanga whakaari rānei
   • Tito waiata rānei
   • Tuhi rotarota rānei
   
   Hei te mutunga, whakaatuhia tāu mahi ki te karaehe.
   
2. Mā te oneone e tunu i te hāngi. He mea nui te hāngi kia whāngai i te tini me te mano. Pātai atu ki tō whānau ko tēhea te oneone pai mō te hangi, ā, he aha i pērā ai? Tūhia hoki a rātou whakautu.
3. Whakapā atu ki tēnei paetukutuku mō te kēmu hāngi! Hangi
   
4. Toko whakaarotia mēnā korekau he oneone i tēnei ao. He ao tino rerekē, he pouri hoki. Ki ōu whakaaro, he aha te āhuatanga o tēnei ao? Tūhia ōu kōrero!

1. Ko tāu mahi he kēri oneone hei whakamāroke mō ngā whakamātau e whai ake nei. Ēngari, tuatahi me keri koe i te oneone. I mua i te tīmatanga o te mahi nei, mātakitakihia te “whakamātau 2” kei runga i te kōpae ataata whare uku hei whakatauira i ngā mahi.
   
   Tērā pea me keria he pākete oneone mai i tō kainga, te kainga o tō hoa, tō marae, tō kura rānei. Kia rua, kia toru rānei ngā pākete oneone mai i tētahi o ēnei wāhi.
   
   Ko te whakaaro, ka mau mai ia ākonga (ia rōpū rānei) ngā tauira oneone mai i ngā wāhi rerekē. Whakamōhio atu ki te karaehe nō hea tōu tauira oneone, kātahi whakakiia te pānui motuhake hei whakaatu i ngā wāhi rerekē i keria ai ngā tauira oneone.
   
   Whakamātau 2

He rerekē te āhua o te oneone i ahu mai i ia rohe. Ko ētahi tūmomo oneone, he nui ngā korakora o roto, ko ētahi he iti. He maha hoki ngā tae rerekē e kitea ana i roto i ngā oneone. Ko tāu mahi he āta titiro ki te āhua o ngā korakora me ngā tae o ngā tauira oneone. Kātahi, ka āta whakaarohia, ko tēhea te tūmomo oneone pai hei whakamahi māu mō tōu whare uku? Ko te oneone he nui ngā korakora o roto, ko te oneone he iti rānei ngā korakora?

1. I mua i te tīmatanga o te mahi nei, mātakitakihia te “whakamātau 3” kei runga i te kōpae ataata whare uku hei whakatauira i ngā mahi.
   
   Tirohia te “ Whakamātau 3”. Whāia ngā tohutohu. Tūhia ōu kitenga ki te “Mahere Oneone”. Mēnā e hiahia ana koe, tangohia ētahi whakaahua o āu mahi.

   Whakamātau 3
   
   Whakapā atu ki te paetukutuku Ngā wāhanga, ā, ka pānuitia ngā kōrero mō te oneone, kātahi ka whakamahi i te kēmū.

2. He mahi anō tēnei kia kite i ngā korakora rerekē o te oneone. Purua kia kōtahi te kapu oneone ki roto i tētahi ipu. Kātahi ka whakakiia ki te wai. Rurea te ipu nei, kātahi ka waiho kia tau te oneone. Ka kite koe i ngā korakora oneone rerekē? Ka mutu, tuhia ngā wāhanga rerekē o te oneone.

1. Kia pai ai te hanga o tō whare uku me pai te āhua piri o te oneone kia kaha rawa ngā pereki uku. Nō reira, me pēhea koe e mōhio ai ko tēhea te oneone pai rawa mō te hanga i ngā pereki mō tōu whare? Mā te hanga hōtiti oneone, arā te kaurori i te oneone me te wai, e mōhio ai koe.
   
   I mua i te tīmatanga o te mahi nei, mātakitakihia te “whakamātau 4” kei runga i te kōpae ataata whare uku hei whakatauira i ngā mahi.
   
   Tirohia te Whakamātau 4. Whāia ngā tohutohu. Tuhia ōu kitenga ki te “Mahere Hōtiti Oneone” . Mēnā e hiahia ana koe, tangohia ētahi whakaahua o āu mahi.
   
2. Mahia anō te Whakamātau 4, ēngari i tēnei wā, ka āpiti atu i te parāoa kia tāpiapia te rānunga. I whakamahia e Rau rāua ko Kepa te raima kia tāpiapia ai, heoi anō he mōrearea tēnei matū. Koinei te take me whakamahi koutou i te parāoa.
   
   Tirohia te Whakamātau 5. Whāia ngā tohutohu. Tūhia ōu kitenga ki te “Mahere Hōtiti Oneone” . Mēnā e hiahia ana koe, tangohia ētahi whakaahua o āu mahi.

Kua tae ki te wā mō te hanga pereki. He mahi raweke tēnei, ēngari he ngahau tonu. Ka hanga koe i ngā momo pereki e rua. Ko tētahi ko te oneone me te parāoa anake, ā, ko tētahi atu ko te oneone, te parāoa me te muka hoki.

1. I mua i te tīmatanga o te mahi nei, mātakitakihia te "Whakamātau 6" kei runga i te kōpae ataata whare uku hei whakatauira i ngā mahi.
   
   Tirohia te Whakamātau 6 mō te hanga pereki oneone. Whāia ngā tohutohu. Mēnā e hiahia ana koe, tangohia ētahi whakaahua o āu mahi.
   

Kua oti i ā koe te hanga i ngā momo pereki e rua. Ko tētahi kāore he muka o roto, ā, ko tētahi kua whakauru atu he muka. Ko te mahi ināianei he whakamātau i te kaha me te mauroa o te pereki maroke, me te mau kaha o te pereki mākū.

1. I mua i te tīmatanga o te mahi nei, mātakitakihia te “whakamātau 7” kei runga i te kōpae ataata whare uku hei whakatauira i ngā mahi.
   
   Tirohia te Whakamātau 7 mō te whakamātau pereki. Whāia ngā tohutohu. Whakakiia te mahere. Mēnā e hiahia ana koe, tangohia ētahi whakaahua o āu mahi.