Ko te pā Harakeke

Ko te pā harakeke e rite ana ki te kōwhiuwhiu. Ko ngā rau o roto, ko te whānau tonu. Ko te rito (arā te pihi kei waenganui) ko ia te tamaiti. Ko ngā awhi rito (arā ngā rau kei ia taha o te rito) ko ngā mātua ērā. Ko ngā rau o waho atu i ēnei, koinei anake ngā rau ka tapahia. Ki te tapahia te rito me ngā awhi rito, ka mate te tipu, ā, ka mate te pā harakeke!

Te wāhi pai mō te whakatipu harakeke

I ngā rā o mua, he kaha te Māori ki te whakatipu pā harakeke hei whakamahi mā rātou. Ko ngā wāhi pai mō te whakatipu harakeke, ko aua oneone e kī tonu ana i ngā waihotanga o ngā mea ora, pērā i ngā awa, i ngā repo, me ngā whenua parahua.

Ko ngā tūmomo harakeke

He maha ngā momo harakeke (nuku atu i te ono tekau). Ko ētahi he mārō, he nui te muka o roto. Ko ētahi he ngohengohe, ka raupeka ngā rau, he iti noa iho te muka o roto. Ko ēnei momo harakeke ka tipu ake i runga maunga, i runga pari, i te taha moana hoki. Koinei te take e noho tata ana te nuinga o ngā mira ki ngā repo. I te mea koinei ngā wāhi e tipu pai ai te harakeke he maha te muka o roto.