Nau mai haere mai ki tēnei paetukutuku Whare Uku. He paetukutuku tēnei hei ārahi i a koutou i roto i ā koutou mahi rangahau whare uku. Kua whakaritea hoki he kōpae ataata hei tautoko i ngā kōrero me ngā mahi kei tēnei paetukutuku.

E rima ngā wāhanga o te paetukutuku nei. He wāhanga e aro atu ana ki ngā āhuatanga o te mahi rangahau, ngā momo whare uku o te ao, te oneone, te harakeke me ngā mahi whakahoa whare. Kei roto i ēnei wāhanga he kōrero, he pikitia hoki hei tirohanga mā koutou hei tautoko i ā koutou ake mahi rangahau whare uku.

Whakapā atu ki te wāhanga ‘Hei Mahi’ kia kite ai koutou i ngā mahi kua whakaritea mā koutou me ngā kēmū anō hoki hei pūrei mā kōutou i a koutou e ako ana i ngā kaupapa whakahirahira e hāngai nei ana ki te Whare Uku.

Nō reira taiohi mā, rangatahi mā, kei a koutou te wā. Āta tirotirohia ngā kōrero, āta whakaaroarohia ngā āhuatanga o te whareuku. Patua te mahi! Kia kaha, kia ū, kia manawanui!

Mauri Ora ki a koutou katoa!